ភ្នំពេញ: លោកអភិបាលរាជធានីភ្នំពេញបានប្រកាសថា៖រដ្ឋបាលរាជធានីភ្នំពេញនឹងសាងសង់ចំណតរថយន្តក្រោមដីថ្មីចំនួន៤កន្លែងជាប់ៗគ្នាបន្តបន្ទាប់ដែលមានទីតាំងស្ថិតនៅតាមបណ្តោយខាងក្រោមសួនច្បារចាប់ពីសួនច្បារមុខសក្យមុនីចេតិយ រហូតជិតដល់មាត់ទន្លេផ្សារចាស់ ក្នុងសង្កាត់វត្តភ្នំ ខណ្ឌដូនពេញ ដើម្បីដោះស្រាយបញ្ហា ខ្វះចំណតរថយន្ត នៅទីក្រុងភ្នំពេញ។
លោកបន្តថា៖ ទីតាំងចំណតរថយន្តក្រោមដីទី៥គ្រោងធ្វើនៅក្រោមដីនៅក្រោមវាលមេរុសម្រាប់ចំណតរថយន្តរបស់សារៈមន្ទីរជាតិ ដែលចំណតនេះអាចខាងព្រះបរមរាជវាំងឬរាជធានីភ្នំពេញអ្នកទទួលខុសត្រូវខាងថវិកាក្នុងការសាងសង់យោងតាមការឯកភាពគ្នា។
លោក ប៉ា សុជាតិវង្ស បានប្រកាសបែបនេះក្នុងពិធីតែងតាំងលោកស្រីអភិបាលរងរាជធានីភ្នំពេញម្នាក់កាលពីថ្ងៃទី១ខែកុម្ភៈឆ្នាំ២០១៧នេះនៅរដ្ឋបាលរាជធានីភ្នំពេញ។
ពាក់ព័ន្ធបញ្ហាចំណតរថយន្តក្រោមដីថ្មីនេះមន្ត្រីជំនាញរដ្ឋបាលរាជធានីភ្នំពេញបានបញ្ជាក់ដែរថា៖ក្នុងនោះទីតាំងចំណតរថយន្តទី១ និងទី២ បាននិងកំពុងដំណើរការសាងសង់ជិតរួចរាល់ហើយ។ ចំណែកទីតាំងចំណតរថយន្តទី៣ មានការឯកភាពពីរាជរដ្ឋាភិបាលរួចហើយ កំពុងសិក្សាគម្រោងលម្អិត និងទីតាំងទី៤ កំពុងស្នើរសុំការអនុញ្ញាតពីរាជរដ្ឋាភិបាល ដែលចំណតរថយន្តក្រោមដីទាំងនោះនឹងចេញជារូបរាងក្នុងពេលខាងមុខ។
ពាក់ព័ន្ធការសាងសង់ចំណតរថយន្តក្រោមដីថ្មីនេះលោក មាន ចាន់យ៉ាដា បានឲ្យដឹងថា៖ ចំណតរថយន្តទី១ គឺជាចំណតរថយន្តរបស់ក្រុមហ៊ុនកាណាឌីយ៉ា ចំណតរថយន្តទី២.របស់ក្រុមហ៊ុន ធនាគារវឌ្ឍនៈ ដែលក្រុមហ៊ុនពីរនេះកំពុងសាងសង់ចំណតរថយន្តក្រោមដីនៅក្រោមសួនច្បារក្បែរគ្នា ទី៣. ក្រុមហ៊ុនកំពុងរៀបចំគម្រោងស្នើសុំស្ថាបនាចំណតរថយន្តក្រោមដីក្រោមសួនច្បារទីលានប្រជាធិបតេយ្យ(ក្រុមហ៊ុនមិនចាំឈ្មោះ)និងចំណតរថយន្តក្រោមដីទី៤ធ្វើនៅក្រោមសួនច្បារផ្សាររាត្រីគឺក្រុមហ៊ុន អ៊ីឌីស៊ីយូតា ខេមបូឌា ភីធីអ៊ី អិលធីឌី EDISIJUTA (Cambodia) PTE.,Ltdអ្នកអនុវត្តដោយបានទទួលការឯកភាពពីរាជរដ្ឋាភិបាលហើយ គឺស្ថាបនាចំណតរថយន្តក្រោមដី នៅខាងក្រោមផ្សារាត្រីតែម្តង។
លោកអភិបាលរងបន្តថា៖បន្ទាប់ពីធ្វើចំណតរួចនឹងត្រូវធ្វើសួនច្បារពីលើ ដើម្បីជួយលើកកំពស់សោភណ្ឌ័ភាពរាជធានីភ្នំពេញ។ ចំណែកចំណតរថយន្តក្រោមដី ក្រោមសួនច្បារទីលានប្រជាធិបតេយ្យនៅពេលស្ថាបនារួចក៏ត្រូវធ្វើសួនពីលើ និងរៀបចំកន្លែងប្រគុំតន្ត្រីសម្រាប់ជនពិការ។លោក មាន ចាន់យ៉ាដា អភិបាលរងរាជធានីភ្នំពេញថា៖ ដោយសារបញ្ហាសណ្តាប់ធ្នាប់ និងការកកស្ទះចរាចរកាន់តែមានភាពស្មុគស្មាញ និងប្រឈមផងនោះរដ្ឋបាលរាជធានីភ្នំពេញ ដោយមានកិច្ចសហប្រតិបត្តការពីវិស័យឯកជន បានជំរុញផែនការស្ថាបនាចំណតរថយន្តក្រោមដីឲ្យបានច្រើន ដើម្បីកាត់បន្ថយការកកស្ទះចរាចរ និងជួយសម្រួលដល់បញ្ហាសណ្តាប់ធ្នាប់សាធារណឲ្យមានភាពប្រសើរឡើង។
លោកបន្តថា ជាក់ស្តែងនៅចន្លោះផ្លូវភ្លោះ ផ្លូវលេខ១០៦ និងផ្លូវលេខ១០៨ រដ្ឋបាលរាជធានីភ្នំពេញ គ្រោងស្ថាបនាចំណតរថយន្តក្រោមដីចំនួនពីរបន្ថែមទៀត គឺនៅខាងក្រោមសួនច្បារទីលានប្រជាធិបតេយ្យ និងមួយទៀតនៅខាងក្រោមផ្សាររាត្រីតែម្តង។
ចំណែកមន្ត្រីជំនាញរដ្ឋបាលរាជធានីភ្នំពេញបានឱ្យដឹងថា៖រដ្ឋបាលរាជធានីភ្នំពេញបានចាប់យកក្រុមហ៊ុនឯកជនចំនួនពីរបន្ថែមទៀត ដើម្បីសហការ ក្នុងផែនការសិក្សា និងរៀបចំស្ថាបនាចំណតរថយន្តក្រោមដីចំនួនពីរទីតាំង បន្ទាប់ពីក្រុមហ៊ុនឯកជនចំនួនពីរផ្សេងទៀត បាន និងកំពុងសាងសង់ចំនួនពីរទីតាំងដូចគ្នា ។មន្ត្រីដដែលបញ្ជាក់ថា៖ ទីតាំងចំណតរថយន្តក្រោមដីទាំង៤ទីតាំងនោះ ស្ថិតនៅចន្លោះផ្លូវភ្លោះ ផ្លូវលេខ១០៦ និងផ្លូវលេខ១០៨ ក្នុងសង្កាត់វត្តភ្នំ ខណ្ឌ ដូនពេញ ដែលរដ្ឋាភិបាលប្រគល់សិទ្ធិទៅឲ្យក្រុមហ៊ុនចំនួន៤ធ្វើការវិនិយោគតាមរូបភាព BOT ក្នុងគោលបំណង រក្សាសណ្តាប់ធ្នាប់ និងរបៀបរៀបរយសាធារណៈ ជួយកាត់បន្ថយការកកស្ទះចរាចរណ៍បានច្រើន ជាពិសេសនៅតំបន់នោះតែម្តង។ មន្ត្រីរដ្ឋបាលរាជធានីភ្នំពេញបានឲ្យដឹងទៀតថា៖ ចំពោះចំណតនៅខាងក្រោមផ្សាររាត្រី មានប្លង់គោល និងបានឯកភាពគ្នាហើយ ប៉ុន្តែអាជ្ញាធរតម្រូវឲ្យក្រុមហ៊ុន សិក្សាបន្ថែមពីស្ថានភាពទីតាំង ឲ្យបានច្បាស់លាស់ ដូចជាប្រពន្ធ័ទឹកភ្លើង និងប្រពន្ធ័លូដែលកប់នៅក្រោមដី និងត្រូវសិក្សាសោភណ្ឌ័ភាពផ្នែកខាងលើឲ្យមានភាពទាក់ទាញនិងសិក្សាបន្ថែមនូវផលប៉ះ ពាល់ដោយគ្រោះធម្មជាតិ ដូចជាទឹកជំនន់ជាដើម ដើម្បីត្រៀមបង្ការទុកជាមុន។
មន្ត្រីជំនាញរូបនោះបានបញ្ជាក់ទៀតថា៖ចំណតរថយន្តក្រោមដីខាងក្រោមផ្សាររាត្រីនេះមានទំហំ ៩១៣៧,៤៧ម៉ែត្រការ៉េ និងមានកំពស់២ជាន់ ដែលអាចផ្ទុករថយន្តបានប្រមាណ៣០០គ្រឿង ។ចំណតរថយន្តក្រោមដី៤ទីតាំងស្របតាមបណ្តោយខាងក្រោមសួនច្បារ ចាប់ពីមុខសក្យមុនីចេតីយ៏រហូតដល់មាត់ទន្លេផ្សារចាស់នឹងចេញរូបរាងនាពេលខាងមុខ។
មន្ត្រីរដ្ឋបាលរាជធានីភ្នំពេញបានឲ្យដឹងទៀតថា៖ ចំពោះចំណតនៅខាងក្រោមផ្សាររាត្រីមានប្លង់គោល និងបានឯកភាពគ្នាហើយ ប៉ុន្តែអាជ្ញាធរតម្រូវឲ្យក្រុមហ៊ុន សិក្សាបន្ថែមពីស្ថានភាពទីតាំង ឲ្យបានច្បាស់លាស់ ដូចជាប្រពន្ធ័ទឹកភ្លើង និងប្រពន្ធ័លូដែលកប់នៅក្រោមដី និងត្រូវសិក្សាសោភណ្ឌ័ភាពផ្នែកខាងលើឲ្យមានភាពទាក់ទាញ និងសិក្សាបន្ថែមនូវផលប៉ះពាល់ដោយគ្រោះធម្មជាតិ ដូចជាទឹកជំនន់ជាដើម ដើម្បីត្រៀមបង្ការទុកជាមុន៕
CEN
ដោយ: ដាវុធ
